नेपालमा थप ११ जनाको मृत्यु, ८८५ जना संक्रमित भेटिए, ३८५ जना निको भए

काठमाडौं । नेपालमा थप ११ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृतकहरुमा भक्तपुरकी ४६ वर्षीया महिला, मोरङकी ५३ वर्षीया महिला, 
कैलालीका ४५–५० वर्षीय पुरुष, महोत्तरीका ६०–७२–७५ वर्षीय पुरुष, बाँकेका ३७ वर्षीय पुरुष, काठमाडौंका ५१ वर्षीय पुरुष, बाराका ४१–४६ वर्षीय रहेका छन् ।

यससँगै नेपालमा मृत्यु हुने कोरोना संक्रमितको संख्या १७५ पुगेको छ । यस्तै आज थप ८८५ जनामा कोरोना भाइरस संक्रमण पुष्टि भएको छ भने ३८५ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या ३४ हजार ४१८ पुगेको छ । जसमध्ये १९ हजार ५०४ जना निको भएर घर फर्किएका छन् ।