पर्सामा कोरोना संक्रमणबाट थप १ पुरुषको मृत्यु

वीरगञ्ज । कोरोना संक्रमणका कारण पर्सामा थप एक पुरुषको उपचारको क्रममा मृत्यु भएको छ। कोरोना संक्रमणका कारण मृत्यु हुनेमा जिराभवानी गाउँपालिका ४ बस्ने ६८ वर्षका पुरुष रहेका छन् ।  

नारायणी कोभिड १९ अस्पताल गण्डकमा उपचाररत उनको आइतबार राती १० बजे मृत्यु भएको थियो। मुटुको समस्या र निमोनिया लगायतका समस्याबाट बिरामी उनी उपचारको लागि अस्पतालमा भर्ना गरिएको थियो ।

मृत्यु पश्चात गरिएको परिक्षणमा उनमा कोरोना संक्रमण देखिएको थियो । यो सँगै पर्सामा कोरोना संक्रमणका कारण ज्यान गुमाउनेको संख्या ३१ पुगेको छ।