रौतहट । रौतहटको सदरमुकाम गौरमा करेन्ट लागेर एक महिलासहित दुई चौपायाको मृत्यु भएको छ । गौरस्थित कबिर चोकमा बिहीबार बाटोमा विद्युतको पोल ढल्दा करेन्ट लागेर स्थानीय एक महिला र दुईवटा साँढेको मृत्यु भएको हो ।
स्थानीय पत्रकार आरएन साहकाअनुसार बिहान ७ बजे वर्षासँगै आएको हावाहुरीले कबिर चोकमा एउटा विद्युतको पोल ढलेको थियो । पोल ढल्दा सोही स्थानमा रहेको एउटा साँढेको शरीरमा विद्युतको तारले छोएपछि करेन्ट लागेर घटनास्थलमै उक्त साँढेको मृत्यु भएको थियो ।
नजिकै रहेको अर्को साँढे पनि सो स्थानमा पुग्दा उसलाई पनि करेन्ट लागेको र घटनास्थलमै मृत्यु भएको पत्रकार साहले बताए । सोही समय घरबाट बजारतर्फ गइरहेकी गौर नगरपालिका–४ की ७० वर्षीय शान्तिदेवीले भुइँमा लत्रिएको विद्युतको तारमा टेक्दा उनलाई पनि करेन्ट लागेको थियो ।
करेन्ट लागेर गम्भीर घाइते भएकी शान्तिदेवीको उपचारको क्रममा जिल्ला अस्पताल गौरमा मृत्यु भएको प्रहरीले जनाएको छ । मृतक महिलाको शव पोष्टमार्टमका लागि पठाइएको र घटनाबारे थप अनुसन्धान भइरहेको जिल्ला प्रहरी कार्यालय रौतहटले जनाएको छ ।
प्रतिक्रिया दिनुहोस
सफल खबर संवाददाता
विहीबार, १५ साउन २०७७, १३ : ५५
लेखकबाट थप
सम्बन्धित समाचारहरु
धनुषाका पत्रकार यादवको मोटरसाइकल दुर्घटनामा मृत्यु
अभ्यासका क्रममा मलेसियन आर्मीका दुई हेलिकप्टर ठोक्किए, १० जनाको मृत्यु
शिशु जन्मिएको डेढ घण्टापछि आमाको मृत्यु
छुट्टाछुट्टै सवारी दुर्घटनामा दुई जनाको मृत्यु
माछा मार्ने क्रममा डुबेर एक जनाको मृत्यु
घाँस काट्ने क्रममा रुखबाट खसेर युवकको मृत्यु