काठमाठौँ । उपत्यकाको ट्राफिक व्यवस्था सुधार गर्न गृहमन्त्री रामबहादुर थापा ‘बादल’ आफैँ लागेका छन् ।
गृहमन्त्री बादल आफैँले ट्राफिक व्यवस्था सुधारको लागि ३७ बुँदे कार्ययोजना बनाएर छलफल गरेका हुन् । गृह मन्त्रालयमा बादलले कार्ययोजनाको प्रगतिको अवस्थाको बारेमा जानकारी लिएका थिए ।
गृहमन्त्री थापाले सडकको दुरअवस्थाले आर्थिक क्षति पगेको बताएका थिए । उनले कार्ययोजनाका बाँकी काम समयमै सम्पन्न गर्न समेत निर्देशन दिएका थिए ।
उपत्यकाको ट्राफिक जाम घटाउन र सडक दुर्घटना कम गर्न सबै निकायको संयुक्त प्रयास आवश्यक रहेको गृहमन्त्री थापाको भनाइ थियो। बैठकमा अर्थ, भौतिक तथा यातायात, शहरी विकास, शिक्षालगायतका मन्त्रालयका प्रतिनिधिहरुको उपस्थिति थियो।
प्रतिक्रिया दिनुहोस