काठमाडौं । नेकपाभित्र कुन बेला कस्तो समिकरण बन्छ ? अहिले कसैलाई थाहा छैन । प्रधानमन्त्री केपी ओली गत पुस २३ यता पार्टीभित्रै कमजोर बनेपछि उनले पार्टीका पूर्व एमाले नेताहरुलाई फकाउने, गलाउने र तर्साउने तिनै थरी निति अवलम्बन गर्न खोजिरहेका छन् ।
सकभर गलाउने, नभए फकाउने र त्यसो पनि हुन नसके तर्साउने नीतिमा प्रधानमन्त्री ओली देखिएका छन् । सभामुख चयन प्रक्रिया, एमसीसी सम्झौता देखि अहिले संविधान संसोधन कार्यदल निर्माण सम्ममा उनी पार्टीमा ‘भोटिङ’ मा नगएपनि अल्पमतमा छन भन्दा हुन्छ ।
प्रचण्ड, वरिष्ठ नेता माधव नेपाल, झलनाथ खनाल, वामदेव गौतम, नारायणकाजी श्रेष्ठ र रामबहादुर थापा (बादल) सम्म एकातिर मिल्दा सचिवालयमा अहिले प्रधानमन्त्री ओली अल्पमतमा छन् । उनलाई सचिवालय सदस्य इश्वर पाखेरेलको मात्र साथ देखिन्छ । महासचिव विष्णु पौडेल पनि कतिपय विषयमा मौनता साधिरहेको छन् ।
यही बिच ओलीलाई पूर्व एमाले समुहलाई मिलाएर अगाडी बढ्न तत्कालिन एमाले पङक्तिका कतिपय नेताहरुले दबाब बढाईरहेका छन् । ओलीले पनि त्यही रणनीति अनुसार सकभर पूर्व एमालेका नेताहरुलाई मिलाउन कोसिस गरिरहेका छन् । उनले खासगरी वामदेव गौतम, झलनाथ खनाल र माधव नेपाललाई आफुसँगै मिलाउन निक्कै कोसिस गर्न थालेका छन् ।
त्यही क्रममा उनले मंगलवार (हिजो) मात्रै वरिष्ठ नेता माधव नेपाललाई तीन घण्टा को बीचमा दुई पटक भेट गरेका छन् । दिँउसो ३ बजे बालुवाटारमा ओलीको निम्तोमा प्रधानमन्त्रीलाई भेट्न नेपाल पुगेका थिए । त्यहाँ उनले झण्डै पौने घण्टा नेपालले छलफल गरेका थिए ।
तर दुई नेताका बीचमा मात्र भएका छलफलका विषय के थिए भन्ने विषयमा दुवै नेताका सचिवालय मौन बसेका छन् । त्यसपछि बाहिरिएका नेपाल सिधै प्रचण्ड निवास खुमलटार पुगे । त्यहँ उनले पार्टीका अध्यक्ष प्रचण्ड, वरिष्ठ नेता खनाल र उपाध्यक्ष वामदेवसँग केही समय छलफल गरे । प्रचण्ड निवासमा छलफलमा रहदै गर्दा नेपाललाई फेरि बालुवाटाराबाटै फोन आयो । उनलाई फेरि छलफलका लागि भन्दै बालुवाटार बोलाइयो । उनी साँझ ६ वजे फेरि बालुवाटार पुगे ।
बालुवाटार निकट स्रोतका अनुसार त्यसपछि भने नेपालले ओलीसँग झण्डै दुई घण्टा छलफल गरे । उनी साँझ ८ बजे मात्र त्यसपछि बालुवाटारवाट बाहिरिएका थिए । नेकपाको आज बिहान सचिवालय बैठक बोलाइएको छ । सचिवालय बैठकले वामदेव गौतमको राष्ट्रिय सभा जाने नजाने विषय देखि संविधान संसोधन र एमसीसी सम्झौता सम्मका विषयमा निर्णय लिनुपर्ने कार्यसूचि छ ।
यस्तो जटिल विषयहरुमा छलफल गर्न सचिवालय बैठक बोलाईएको पूर्वसन्ध्यामा ओलीले नेपाललाई तीन घण्टाको बीचमा किन पटक पटक भेट गरे भन्ने विषय अहिले नेकपा नेताहरुका बीचमा चर्चा छ ।
दुवै नेता र नेताका सचिवालयले पनि भेटको पुष्टि गरेपनि त्यसक्रममा भएका छलफलका विषय सार्वजनिक गरेका छैनन् । यसले पनि दुई नेताका बीचको छलफल रहस्यको विषय छ । सचिवालयमा आज देखिने नेताहरुका अभिब्यक्ति र लिइने निर्णयले नेकपाभित्र ओली नेपाल बीचको मंगलवारको पटक पटकको छलफलका विषय खुल्न सक्ने सम्भावना देखिएको छ ।
प्रतिक्रिया दिनुहोस
सफल खबर संवाददाता
बुधबार, १४ फागुन २०७६, ०८ : ४९
लेखकबाट थप
सम्बन्धित समाचारहरु
नेकपा एकीकृत समाजवादीले अहिलेको पदाधिकारीलाई नै स्थायी कमिटी बनाउने
‘कांग्रेस–एमालेबाट परिवर्तनलाई उल्ट्याउने षड्यन्त्र हुनसक्छ’
नेकपा स्थापनाको ७५ वर्ष पूरा, आज हीरक महोत्सव
नेकपा एस महाधिवेशन तयारीः राजनीतिक तथा सुरक्षा निकाय समन्वय कमिटी गठन
दलहरूले जनतालाई झूटा आश्वासन दिन बन्द गर्नुपर्छ : रामकुमारी झाँक्री
एमालेले कात्तिक १४ गते चियापन गर्ने