चितवन । जंगली हात्तीको आक्रमणबाट चितवनको माडीमा २ जनाको मृत्यु भएको छ । माडी १ बरुवाका ६५ वर्षीय बाबुराम पौडेल र उनका छोरा ३५ वर्षीय राजु पौडेलको मृत्यु भएको जिल्ला प्रहरी कार्यालयले जनाएको छ ।
बरुवाबाट बादरझुलातर्फ लु ३१ प २९११ नम्बरको मोटरसाइकलमा गैरहेका उनीहरुलाई बाटोमा आज बिहान ९ः३० बजे जङ्गली हात्तीले आक्रमण गरेको थियो । दुबै जनाको घटनास्थलमै मृत्यु भएको प्रहरी प्रवक्ता प्रहरी नायब उपरीक्षक एक नारायन कोइरालाले बताए ।
घटना लगत्तै जनप्रतिनिधी, प्रहरी र स्थानीयहरु घटनास्थलमा पुगेका छन् । चितवन राष्ट्रिय निकुञ्जले घेरिएको माडीमा वन्यजन्तुको आक्रमणबाट पटकपटक ठूलो धनजनको क्षति भैरहन्छ ।
यसअघि एक महिना अघि पनि एक वृद्दाको हात्तीको आक्रमणबाट मृत्यु भएको थियो ।
प्रतिक्रिया दिनुहोस
सफल खबर संवाददाता
शनिबार, ३० कार्तिक २०७६, ११ : ५८
लेखकबाट थप
सम्बन्धित समाचारहरु
बस्तीमा हात्ती छिरेपछि सावधानी अपनाउन निकुञ्जको आग्रह
जंगली हात्तीको आक्रमणबाट एक जनाको मृत्यु
हात्तीको आक्रमणबाट युवकको मृत्यु
शुक्लाफाँटा निकुञ्जमा वयस्क पोथी हात्ती मृत फेला
चितवनमा हात्तीको आक्रमणबाट माउतेको मृत्यु
झापामा हात्तीको आक्रमणबाट एक जनाको मृत्यु