एक्स्पर्ट एजुकेशनको रक्तदान कार्यक्रम सम्पन्न

चितवन । एक्स्पर्ट एजुकेशन एन्ड भिजा सर्भिसेजको आयोजनामा रक्तदान कार्यक्रम सम्पन्न भएको छ । लायन्सचोकस्थित आफ्नै प्राङ्गणमा भएको कार्यक्रममा ६१ जनाले रक्तदान गरेका थिए ।
प्रमुख जिल्ला अधिकारी जितेन्द्र बस्नेत प्रमुख अतिथि रहनु भएको कार्यक्रम एक्स्पर्ट एजुकेशनका प्रबन्ध निर्देशक डिल्लिराम अधिकारिको अध्यक्षतामा सम्पन्न भएको थियो । कार्यक्रममा युथ फर ब्लडका जिल्ला अध्यक्ष आशिस पौडेल, वडा प्रहरी कार्यालयका प्रहरी निरीक्षक राम प्रसाद गौतम, नेपाल विद्यार्थी संघ जिल्ला उपाध्यक्ष बिनिता चापागाइँ, सिनर्जी एफएमका स्टेशन म्यानेजर रामकान्त पौडेल, कालिका एफएमका स्टेशन म्यानेजर ओम प्रकाश आचार्य, कालिका एचडिटिभीका म्यानेजर राजकुमार लामिछाने, नमस्ते टिभीका प्राविधिक प्रमुख राजेन्द्र कार्की लगायतको उपस्थिती रहेको थियो ।

कार्यक्रमलाई सम्बोधन गर्दै प्रमुख जिल्ला अधिकारी जितेन्द्र बस्नेतले एक्स्पर्ट एजुकेशनले गर्दै आएको विभिन्न सामाजिक कार्यको प्रसंशा गर्दै रक्तदान कार्यक्रम आयोजना गरेकोमा धन्यवाद ज्ञापन गर्नुभयो । एक्स्पर्ट एजुकेशनका प्रवन्ध निर्देशक डिल्लिराम अधिकारिले हरेक किसिमका सामाजिक कार्यमा आफ्नो संस्था सधैँ लागिपर्ने प्रतिवद्धता व्यक्त गर्नुभयो । 
यो संस्थाले हिजो १८ गते बारा र पर्सामा हावाहुरीका कारण घरबारबिहिन भएकाहरुका लागि विभिन्न राहत सामाग्रीहरु समेत वितरण गरेको थियो ।