पछिल्लो फिल्म गल्ली ब्वाईको सफलताका कारण अभिनेत्री आलिया भट्ट अहिले चर्चामा छिन् । आलिया अब करण जौहरको नयाँ फिल्म ‘स्टुटेन्ड अफ दि इयर–२’ मा अभिनय गर्ने तयारीमा छिन् । सो फिल्ममा उनको हिरो हुनेछन्, टाइगर श्राफ ।
सन् २०१२ मा बनेको ‘स्टुडेन्ट अफ दि इयर’ सुपरहिट फिल्म हो । दर्शकले औधी मन पराएको सो फिल्मको सिक्वेलमा करणले टाइगर, आलियाका साथमा अनन्या पाण्डे र तारा सुतारियालाई पनि मुख्य भूमिकामा प्रस्तुत गर्ने भएका छन् । फिल्मको एउटा गीतमा आलियालाई हिरोहरू टाइगर, वरुण धवन र सिद्धार्थ मल्होत्राका साथमा डान्स गरेको समेत हेर्न पाइने भारतीय मिडियाले उल्लेख गरेका छन् । सो गीतको कोरियोग्राफी फराह खानले गर्नेछिन् । आलिया, सिद्धार्थ र वरुणले स्टुडेन्ट अफ दि इयरमा सँगै अभिनय गरेका थिए । पहिला यो गीतमा डान्स गर्न आलियाले आनकानी गरिरहेकी थिइन् ।
कारण थियो, सिद्धार्थ मल्होत्रा । किनभने सिद्धार्थ र आलियाबीच पहिला अफेयर चलेको थियो । ब्रेकअपपछि आलिया र सिद्धार्थबीच सम्बन्ध राम्रो छैन । तर, निर्माता करणले मनाएपछि आलिया सो गीतमा नाच्न राजी भएको बताइन्छ । नयाँ पत्रिका
प्रतिक्रिया दिनुहोस