‘बुलबुल’ ले नौ दिनमा गर्‍यो ८० लाख कलेक्सन

काठमाडौँ । नायिका स्वस्तिमा खड्का अभिनित चलचित्र ‘बुलबुल’ देशका विभिन्न हलहरुमा प्रर्दशन भईरहेको छ । यस फिल्मबाट उनले निकै प्रशंसा बटुलिरहेकी छिन् । विनोद पौडेलले निर्देशित यस फिल्ममा स्वस्तिमा महिला टेम्पो चालकको भुमिकामा छिन् । समिक्षकहरुले निकै उत्कृष्ट बनेको यस फिल्मलाई दर्शकहरुले मिश्रित प्रतिक्रिया दिएका छन् तर स्वस्तिमाको कामको भने खुबै चर्चा गरेका छन् ।
फिल्मले ठूलो विजनेश गर्न सक्ने अनुमान गरिएको भएपनि त्यो भने भएन तर फिल्मले ९ दिनमा ८० लाख कलेक्सन गर्न सफल भएको छ । मल्टिप्लेक्समा पनि फिल्मले दर्शकको साथ पाएको छ भने शनिबार फिल्मका लागि दर्शकहरुको चाप रहेको थियो । माउथ पब्लिसिटीको कारण बुलबुलले दर्शकको साथ पाएको छ । निर्माण टिम बुलबुलको रिलिज पनि सन्तोषजनक नै देखिएका छन् ।
फिल्मले यतिबेला हिन्दी फिल्म गली ब्योई र टोटल धमालसँग प्रतिष्पर्धा गरिरहेको छ । फिल्ममा लक्ष्मी बर्देवा, बुद्धि तामाङ, मुकुन भुसाल, उज्वल अधिकारी, दीपक क्षेत्री, जोयस पाण्डे, आशिका पाण्डे लगायतका कलाकारको अभिनय रहेको छ । पुरुषोत्तम पाण्डे, अबिरल थापा, भिम थापा र राजु पौडलले संयुक्तरुपमा निर्माण गरेको यस फिल्ममा लेखन निर्देशक स्वयम पौडेलको नै रहेको छ ।