प्रेममा पर्दादेखि नै दीपिका पादुकोण र रणवीर सिंह चर्चामा थिए । केही समयअघि विवाह गरेका उनीहरूको चर्चा अझै पनि सेलाएको छैन । केही न केही मसलाका साथ मिडियाको नजरमा परिरहने गरेको यो जोडी अहिले भने एउटा भिडियो क्लिपका कारण चर्चामा छ ।
रणवीर आफ्नी पत्नी दीपिकालाई स्पेसल के नामले बोलाउँछन् होला ? आमदर्शकलाई चासो लाग्ने विषय हो यो । हाल सामाजिक सञ्जालमा एउटा भिडियो क्लिप भाइरल भएको छ, जसमा रणवीरले दीपिकाको स्पेसल नाम खुलासा गरेका छन् । भिडियोमा आलिया भट्ट र रणवीर एउटा खेल खेल्दै छन्, जसमा रणवीरले दीपिकाको नामको एउटा कार्ड समातेका छन् र आलियाले उनलाई नाम नलिईकन गेस गर्न लगाइरहेकी छिन् ।
आलियाले हिन्ट दिएकी छिन् कि उनी उनकी दिदी हुन्, उनका आँखा निकै राम्रा छन् । त्यसमा रणवीरले झटपट उत्तर दिन्छन्, ‘ए तो मेरी वाली है’ । त्यसपछि आलियाले उनको नाम लिन भन्छिन् । रणवीरले भन्छन्, ‘मिसेस रणवीर सिंह ।’ आलियाले पूरा नाम भन्न लगाउँछिन् । रणवीर बोल्छन्, ‘मिसेस दीपिका रणवीर सिंह भवनानी पादुकोण ।’ रणवीरले दीपिकालाई उनी, आफू र उनको परिवारको थरसमेत जोडेर लामो नामले बोलाउने गरेका छन् । नयाँ पत्रिका
प्रतिक्रिया दिनुहोस