बलिउड अभिनेता रणवीर सिंहको फिल्म ‘गली ब्वाय’ले अहिले भारतीय बक्स अफिसमा धमाकेदार कमाइ गरिरहेको छ । फिल्म समीक्षकदेखि दर्शकसम्म सबैले उनको अभिनयको तारिफ गरिरहेका छन् । फिल्ममा रणवीर पहिलोपटक -यापरको भूमिकामा देखिएका छन् ।
हलिउड स्टार विल स्मिथले पनि ‘गली ब्वाय’मा रणवीर सिंहको अभिनय र -यापको खुलेर प्रशंसा गरेका छन् । स्मिथले तारिफ गरेको भिडियो सामाजिक सञ्जालमा भाइरल भइरहेको छ । स्मिथले भिडियोलाई ट्विटरमा ‘रणवीर सिंह टिबिटी’ नामको रणवीरको फ्यान क्लबमा सेयर गरेका छन् । रणवीरलाई ‘गली ब्वाय’का लागि बधाई दिँदै उनले भनेका छन्, ‘तपाईंलाई बधाई, तपाईंले गली ब्वायमा निभाउनुभएको भूमिका खुब मन प-यो, मेरो लागि तपाईंको -याप पुरानो स्कुलका हिपहपको जस्तो छ, सारा संसार यसरी नै हिपहप गर्छन्, धेरै बधाई !’
रणवीर र विल स्मिथ राम्रो साथी पनि हुन् । स्मिथ भारत आउँदा रणवीर सिंहलाई भेटेर मात्र जान्छन् । १४ फेब्रुअरीमा रिलिज भएको यो फिल्मले पहिलो दिन १९ करोड कमाएको थियो भने दोस्रो दिन १३ करोड कमायो । फिल्ममा रणवीरका साथ आलिया भट्ट र कल्की केकलाँ मुख्य भूमिकामा छन् । फिल्मको निर्देशन जोया अख्तरले गरेका छन् ।नयाँ पत्रिका
प्रतिक्रिया दिनुहोस