अमेरिका चीनसँग कुराकानी गरिरहेकाे छ : ट्रम्प

वासिङ्टन डीसी । अमेरिकाले चीनसँग अतिरिक्त भन्सार महसुलको बारेमा वार्ता गरिरहेको अमेरिकी राष्ट्रपति डोनाल्ड ट्रम्पले शनिबार भनेका छन् । विश्वका ठुला अर्थतन्त्रहरूले तितो व्यापार युद्ध अन्त्य गर्न सम्झौता गर्न सक्नेमा आफू विश्वस्त रहेको पनि उनले बताए । ‘हो, हामी चीनसँग कुरा गर्दैछौं,’ ट्रम्पले भने । आफूले कयौँ पटक चीनलाई सम्पर्क गरेको पनि ट्रम्पले ओभल अफिसमा पत्रकारहरूलाई भने ।

उनले चिनियाँ राष्ट्रपति सी जिनपिङसँग सिधै कुरा गरेका हुन् र भनेर ट्रम्पलाई सोधिएको थियो । तर यसको उनले कुनै जवाफ दिएनन् । तर, पहिले उनले यसबारे कुरा भएको धेरै सङ्केत दिएका थिए । 

‘मैले कहिल्यै भनेको छैन कि यो भयो वा भएन । यो उचित छैन ।’ सीसँगको वार्ताबारे सोध्दा उनले भने । पत्रकारहरूले उनलाई सीले सम्पर्क गरेका थिए त ? भनेर सोधेका थिए । यसको जवाफमा ट्रम्पले हामी यसको बारेमा छिट्टै कुरा गर्नेछौँ भने ।