काठमाडौं। साताको चौथो कारोबार दिन बुधबार नेप्से परिसूचक दोहोरो अंकले बढेर बन्द भएको छ। अघिल्लो कारोबार दिन मंगलबार ५८.०५ अंकले ओरालो लागेको नेप्से परिसूचक आज ४०.४७ अंकले बढेर २६२३.२१ विन्दुमा अडिएको हो।
यसदिन ३१७ स्क्रिप्सको ९१ लाख ४२ हजार ९४१ कित्ता सेयर ४ अर्ब २० करोड ४४ लाख ८ हजार ८९४ रुपैयाँमा खरिदबिक्री भए। नेप्से बढेपनि आज कारोबार रकम भने मंगलबारको तुलनामा कम हो।
नेप्से उच्च अंकले बढेपनि कुनै पनि कम्पनीको सेयर सकारात्मक सर्किट लेभलमा कारोबार भएन। आज उपकार लघुवित्त वित्तीय संस्थाको सेयर सर्वाधिक ७.२७ प्रतिशतले घट्यो।
कारोबार रकमका आधारमा हिमालयन रिइन्स्योरेन्स शीर्ष स्थानमा रह्यो। सो कम्पनीको ४१ करोड मूल्य बराबरको सेयर कारोबार भयो। यसैगरी नेपाल रिइन्स्योरेन्सले ३१ करोडको सेयर कारोबार गर्दा गार्डियन माइक्रो लाइफ इन्स्योरेन्सको २२ करोड,नारायणी डेभलपमेन्ट बैंकको ११ करोड र युनाइटेड मोदी हाइड्रोपावरको १० करोड मूल्य बराबरको सेयर कारोबार भयो।
कारोबारमा आएकामध्ये २३१ स्टक्सको मूल्य बढ्दा १२ वटाको घट्यो। सबै समूहको उपसूचक सकारात्मक देखिएका छन्। लाइफ इन्स्योरेन्स र अदर्श समूहको उपसूचक २ प्रतिशत बढीले बढ्यो।
प्रतिक्रिया दिनुहोस
सफल खबर संवाददाता
बुधबार, १३ चैत्र २०८१, १५ : ४०
लेखकबाट थप
सम्बन्धित समाचारहरु
सेयर बजारमा हरियाली, कारोबार रकम ५ अर्ब
नेप्से परिसूचक २६.१० अंकले बढ्यो
सेयर बजारमा उच्च गिरावट, घटे सबै सेक्टर
लगातार पाँचौँ दिन घट्यो नेप्से
सेयर बजारमा गिरावट
७.६६ अंकले घट्यो नेप्से, कति भयो कारोबार ?