अस्ट्रेलियालाई पराजित गर्दै भारत च्याम्पियन्स ट्रफीको उपाधि नजिक

एजेन्सी । अस्ट्रेलियालाई पराजित गर्दै भारत च्याम्पियन्स ट्रफीको उपाधि नजिक पुगेको छ। 

मंगलबार भएको पहिलो सेमिफाइनलमा अस्ट्रेलियामाथि ४ विकेटको जित हात पार्दै भारत लगातार तेस्रो पटक च्याम्पियन्स ट्रफीको फाइनलमा प्रवेश गरेको हो। 

अस्ट्रेलियाले दिएको २ सय ६५ रनको लक्ष्य भारतले ११ बल अगावै ६ विकेटको क्षतिमा भेट्टायो। 

भारतको जितमा विराट कोहलीले उत्कृष्ट प्रर्दशन गरे। खेलको प्लेयर अफ दि म्याच समेत बनेका कोहलीले सर्वाधिक ४ रनको योगदान दिए। उनले ९ बलमा ५ चौका सहयोगमा ८४ रन बनाउँदा आडम जम्पाको बलमा क्याच आउट हुन पुगे। 

केएल राहुल ४२ रनमा अविजित रहे। कप्तान तथा अ‍ोपनर रोहित शर्मा र हार्दिक पाण्ड्याले समान २८ रन थपे। अक्षर पटेल २७ रन बनाउँदा बोल्ड आउट भए। 

युएईको दुवई इन्टरनेशनल क्रिकेट स्टेडियममा टस जितेर ब्याटिङ गरेको अष्ट्रेलिया ३ बल अगावै २ सय ६४ बनाउँदा आलआउट भयो। 

कप्तान स्टेभन स्मिथले बनाएको ७३ रन नै अष्ट्रेलियाका लागि सर्वाधिक रह्यो। एलेक्स केरीले ६१ रन थपे। ट्राभिस हेडले ३९ रन बनाए। 

भारतका लागि मोहम्मद सामीले ३ विकेट लिए। वरुण चक्रवती र रविन्द्र जडेजाले समान २ विकेट लिए। हार्दिक पाण्ड्या र अक्षर पटेलको नाममा समान एक विकेट रह्यो। 

भारतले अब उपाधिका लागि दोस्रो सेमिफाइनलको विजेतासँग युएईमा नै खेल्नेछ। 

दोस्रो सेमिफाइनलमा न्युजिल्यान्ड र दक्षिण अफ्रिका भिड्नेछन्। सो खेल पाकिस्तानको लाहोरमा दिउँसो पौने ३ बजे सुरु हुनेछ। 

फाइनल खेल आइतबार दुवैमा हुनेछ। च्याम्पियन्स ट्रफीका लागि भारत पाकिस्तान जना अस्विकार गरेपछि भारतले खेल्ने सबै खेल युएईमा हुने यसअघि नै निर्णय भएको थियो।