सिंहदरबारमा माओवादी संसदीय दलको बैठक

काठमाडौँ । प्रमुख प्रतिपक्ष दल नेकपा माओवादी केन्द्रको बैठक संसदीय दलको कार्यालय सिंहदरबारमा जारी छ । शुक्रवार बस्ने संसद्को हिउँदे अधिवेशनमा पार्टीको उपस्थिति बलियो बनाउने विषयमा तयारी गर्न दलको बैठक बोलाएको हो ।

केपी ओली नेतृत्वको गठबन्धन सरकार असफल भएको निष्कर्ष निकाल्दै सदन र सडकबाट सशक्त दबाब दिने तयारीमा माओवादी देखिएको छ । दलको बैठक अघि माओवादीले बिहान सिंहदरबारमा विपक्षी दलहरूको बैठक बोलाएको थियो ।

संसदमा साझा रूपमा सरकारको नराम्रो कामको विरोध गर्ने नीति विपक्षी दलहरूको छ ।