मस्कले किनेको भन्दा ८० प्रतिशत घट्यो एक्सको मूल्य

वाशिङ्टन डीसी । माइक्रो ब्लगिङ वेबसाइट एक्सको मूल्याङ्कन दुई वर्ष अघिको तुलनामा ८० प्रतिशतभन्दा कम छ । लगानी कम्पनी फइडेलिटीले गरेको अनुमानले यस्तो देखाएको हो ।

सन् २०२२ को अक्टोबरमा एलोन मस्कले ४४ अर्ब डलर तिरेर एक्स किनेका थिए । मस्कले किनेलगत्तै एक्सलाई प्राइभेट बनाएका थिए । अगस्टको अन्त्यसम्ममा एक्सको मूल्याङ्कन ४ अर्ब २० करोड डलर मात्रै रहेको फाइडेलिटीको ब्लू चिप ग्रोथ फन्डले आइतबार पेस गरेको फाइलिङले देखाएको छ ।

यो मूल्याङ्कन जुलाईको अन्त्यमा कम्पनीले गरेको अनुमान भन्दा २४ प्रतिशत कम हो । सन् २०२२ को अक्टोबरको मस्कले ट्विटर किन्दाको तुलनामा भने यो ७९ प्रतिशत कम हो ।