काठमाडौँ । नेकपा माओवादी केन्द्रको विद्यार्थी संगठन अखिल क्रान्तिकारीको राष्ट्रिय सम्मेलनस्थलमा हुलदंगा भएको छ । राजधानीको कीर्तिपुरमा जारी राष्ट्रिय सम्मेलनस्थलमा हुलदंगा भएको हो ।
अखिल क्रान्तिकारीमा उमेर हद तोक्ने कि नतोक्ने भन्नेमा तीव्र विवाद हुँदै आएको छ । सोही विवाद सम्मेलनस्थलमा प्रकट भएको एक प्रतिनिधिले जानकारी दिए । सम्मेलनको बन्दसत्रमा उमेर हदको पक्ष र विपक्षमा चर्को बहस भएको छ भने यस विषयमा हलले ठोस निर्णय लिन सकेको छैन ।
केही प्रतिनिधिले उमेर हद लगाउन नहुने पक्षमा रहेका व्यक्तिहरुले बाहिरको मान्छे ल्याएर हुलदंगा गराएको आरोप समेत लगाएका छन् । हुलदंगा भएपनि प्रहरीले अवस्थालाई साम्य बनाएको बताइएको छ ।
अखिल क्रान्तिकारीको सम्मेलनका क्रममा नेतृत्व चयन सहमतिमा गर्ने कि निर्वाचनमा जाने भन्नेमा समेत अन्योल छ । यही कारण निर्वाचन प्रक्रिया समेत अघि बढ्न सकेको छैन ।
प्रतिक्रिया दिनुहोस
सफल खबर संवाददाता
सोमबार, १४ असोज २०८१, १५ : १६
लेखकबाट थप
सम्बन्धित समाचारहरु
अखिल क्रान्तिकारीले निर्वाचनबाट नेतृत्व चुन्ने
अखिल क्रान्तिकारीको महाधिवेशन: आज बन्दसत्र, आइतबार नेतृत्व चयनका लागि निर्वाचन
अखिल (क्रान्तिकारी) को २३औँ राष्ट्रिय सम्मेलन आजदेखि
अखिल क्रान्तिकारीको राष्ट्रिय सम्मेलनको नयाँ मिति घोषणाअघि माओवादी शीर्ष नेतासँग छलफल
अखिल क्रान्तिकारीले बनायो ९९९ सदस्यीय आयोजक कमिटी (सूचीसहित)