अखिल क्रान्तिकारीको महासचिवमा जनार्दन शर्मा पक्षका रोशन थापामगर निर्वाचित

काठमाडौं । अखिल (क्रान्तिकारी)को महासचिवमा रोशन थापामगर निर्वाचित भएका छन् । शनिबार सम्पन्न भएको निर्वाचनपछि जारी रहेको मतगणनामा महासचिवको मतगणना सकिदाँ थापामगर महासचिवमा निर्वाचित भएका हुन् ।

थापामगरले ६०१ मत प्राप्त गरेका छन् ।महासचिवमा निर्वाचित थापामगर यस अघि संगठनको सचिवको जिम्मेवारीमा थिए । त्यस अघि उनी पुल्चोक इन्जिनियरिङ क्याम्पसको स्ववीयु सभापति थिए ।

३२ वर्षे उमेर हद लगाउने कि नलगाउने भन्ने विषयमा पार्टी र विद्यार्थी संगठनमा विवाद चलिरहदाँ थापामगर उमेर हद लगाउनुपर्ने पक्षमा खुलेरै लागेका थिए ।