काठमाडौं। जर्मनीका ‘लिजेन्डरी डिफेन्डर’ म्याट्स हुमल्स इटालियन फूटबल क्लब एएस रोमामा अनुबन्ध भएका छन् । सिरी ‘ए’ क्लब रोमाले हुमल्सलाई फ्रि–ट्रान्सफरमा भित्र्याएको हो । क्लब र हुमल्सबीच एक वर्षको सम्झौता भएको इटालियन सञ्चारमाध्यमले जनाएका छन् ।
हुमल्सले गत सिजनको अन्त्यसँगै जर्मन क्लब बोरुसिया डर्टमन्ड छाडेका थिए । त्यसपछि उनी फ्री–एजेन्टका रूपमा उपलब्ध थिए ।हुमल्सले डर्टमन्डका लागि ५०८ खेल खेलेका छन् । डर्टमन्डबाट उनले सन् २०१२/१३ र २०२३/२४ को युरोपियन च्याम्पियन्स लिगको फाइनल खेले । तर दुवैपटक टोली पराजित भएको थियो ।
हुमल्सले डर्टमुन्डबाट दुई जर्मन बुन्डेस लिगाको उपाधि पनि जितेका छन् । साथै सन् २०१४ मा ब्राजिलमा भएको विश्वकप जर्मनीले जित्दा हुमल्स मुख्य डिफेन्डर थिए ।हुमल्सको जर्मनीको सबैभन्दा प्रतिष्ठित क्लब बायर्न म्युनिखबाट पनि खेलिसकेका छन् ।
प्रतिक्रिया दिनुहोस
सफल खबर संवाददाता
विहीबार, २० भदौ २०८१, १५ : ३०
लेखकबाट थप