काठमाडौं। अखिल नेपाल फुटबल संघ (एन्फाले) वर्षको उत्कृष्ट महिला र पुरुष खेलाडीलाई कार प्रदान गर्ने भएको छ ।अखिल नेपाल फुटबल संघ (एन्फा)को कार्यसमितिको बैठकले वर्षमा महिला तथा पुरुषको उत्कृष्ट खेलाडी घोषणा गरी प्रोत्साहन स्वरूप कार प्रदान गर्ने निर्णय गरेको हो ।
बैठकले उत्कृष्ट रेफ्री र प्रशिक्षकलाई पनि जनही २ लाख रुपैयाँ र मोटरसाइकल/स्कुटर तथा लाइफ टाइम एचिभमेन्ट अवार्ड स्वरूप ५ लाख रुपैयाँ र मोटरसाइकल/स्कुटर प्रदान गर्ने निर्णय गरेको छ ।
उत्कृष्ट खेलाडी, रेफ्री तथा प्रशिक्षक छनोटका लागि एन्फा केन्द्रीय सदस्य पुरुषोत्तम थापाको संयोजकत्वमा हरि खड्का र सञ्जिव मिश्र सदस्य रहनेगरी तीन सदस्यीय समिति पनि गठन गरिएको एन्फाले जनाएको छ ।
प्रतिक्रिया दिनुहोस
सफल खबर संवाददाता
शुक्रबार, १४ भदौ २०८१, १३ : ३४
लेखकबाट थप