काठमाडौं। संयुक्त राज्य अमेरिकाले मध्यपूर्वमा सैन्य उपस्थिति बढाइरहेको सीएनएनले जनाएको छ । यसै हप्ताको शुरूमा तेहरानमा हमासका वरिष्ठ नेता इस्माइल हानियाको हत्याले मध्यपूर्व क्षेत्रमा तनाव बढ्दै जाँदा अमेरिकाले उक्त क्षेत्रमा आफ्नो सैन्य उपस्थिति बढाएको समाचारमा उल्लेख छ ।
अमेरिकाले ब्यालिस्टिक मिसाइल आक्रमण रोक्न सक्षम विध्वंसक मिसाइल र सैन्य जहाजहरू मध्यपूर्व र भूमध्यसागरमा पठाउने सीएनएनले जनाएको छ ।यसअघि अप्रिलमा पूर्वी भूमध्यसागरमा इजरायल विरुद्ध इरानको आक्रमण रोक्नमा दुई अमेरिकी सैन्य जहाज प्रयोग गरिएको थियो ।
अमेरिकाले पहिले नै यस क्षेत्रमा ‘यूएसएस वास्प एम्फिबियस’ नामक सैन्य जहाज तैनाथ गरेको छ। इरानले तेहरानमा हमासका राजनीतिक नेता इस्माइल हानियाको हत्याको बदलामा इजरायलमाथि आक्रमण गर्ने वाचा गरेसँगै मध्यपूर्वी क्षेत्रमा तनाव बढेको हो । इजरायलले भने हानियाको हत्याको बारेमा कुनै टिप्पणी व्यक्त गरेको छैन ।
प्रतिक्रिया दिनुहोस
सफल खबर संवाददाता
शनिबार, १९ साउन २०८१, १३ : २८
लेखकबाट थप
सम्बन्धित समाचारहरु
अमेरिकाले सेप्टेम्बरमा २ लाख ५४ हजार रोजगारी थप्यो
अमेरिकामा हेलेन आँधीका कारण मर्नेको संख्या १२८ पुग्यो
हेलेन आँधीका कारण अमेरिकामा ४२ जनाको ज्यान गयो
अमेरिकामा गोली चल्दा कम्तीमा चार जनाको मृत्यु
नेपालले अमेरिकासँग तीन टी-२० आई खेलको सिरिज खेल्ने
आईसीसी लिग-२ : नेदरल्याण्ड्ससँग अमेरिका १९ रनले पराजित