काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले सौर्य एयरलाइन्सको जहाज दुर्घटनामाथि गम्भीर प्रश्न उठाएका छन् । प्रतिनिधि सभा बैठकमा बोल्दै लिङ्देनले जहाजको सी चेकका लागि पोखरा नै जानुपर्ने कारण के थियो ?, काठमाडौंमा गर्न सकिने अवस्था थिएन ?, प्राविधिक भन्दा गैर कर्मचारीहरूलाई किन लगियो भन्ने प्रश्न उठाएका हुन् ।
उनले भने, ‘सौर्य एयरलाइन्स दुर्घटनाले गम्भीर प्रश्न उठेका छन् । यो एयरलाइन्सले सी चेक गराउनुपर्ने थियो त्यो पोखरामै लानुपर्ने काठमाडौंमा हुन नसक्ने केही कारण थियो की थिएन ? यहाँ हुन सक्ने हो की होइन ? नेपाल एयरलाइन्स, यति एयरलाइन्स, बुद्ध एयर र नेपाल आर्मीको ह्याङ्गरमा सी चेक गराउने सुविधा लिन सकिन्थ्यो कि नाइँ रु यसतर्फ सम्बन्धित सबैको ध्यान जान जरुरी छ ।’
उनले उडान अनुमति दिनुभन्दा पहिले कति यात्रु छन्, को को छन् भनेर हेर्ने निकाय छ कि छैन भने र पनि प्रश्न गरे ।उनले छानबिन समितिमाथि पनि प्रश्न उठाएका छन् । विमान उडानका लागि उपयुक्त थियो कि थिएन भन्ने कुराको जाँच गर्ने र अनुमति दिने सुरक्षा प्रमुखका नातेदार नै समितिको प्रमुख हुँदा कस्तो छानबिन हुन्छ भन्दै उनले प्रश्न गरे ।
उनले भने, ‘सौर्य विमान पोखरा उड्नका लागि उपयुक्त, थियो कि थिएन ? भन्ने कुरा जाँच गर्ने र अनुमति दिने सुरक्षा प्रमुख जो अनुसन्धानको सबैभन्दा पहिलो दायरामा आउँछन् उनको भिनाजुलाई आयोगको प्रमुख बनाइएको छ भन्ने कुरा बाहिर आएको छ । कस्तो छानबिन होला ?’
आयोग बनाउने विषयमा गम्भीर त्रुटि भएकाले सम्बन्धी निकायले यसलाई सच्याउनुपर्ने उनले बताए ।
प्रतिक्रिया दिनुहोस
सफल खबर संवाददाता
आइतबार, १३ साउन २०८१, १४ : ३६
लेखकबाट थप
सम्बन्धित समाचारहरु
जनताले चाहे गणतन्त्र जान्छ, नहोच्याउनुस् : राजेन्द्र लिङ्देन
राजेन्द्र लिङ्देनले हिरासतमा पुगेर भेटे मिश्र र राणालाई
राजेन्द्र लिङ्देनलाई उचालेर कमल थापाको चलाखी !
कुलमानका विषयमा ऊर्जामन्त्रीले सदनमा झुट बोले : राजेन्द्र लिङ्देन
देशले अब यही परिस्थिति थेग्न सक्दैन : राजेन्द्र लिङ्देन
म गणतन्त्रको विरोध गरिरहन्छु : राजेन्द्र लिङ्देन