डा. बाबुराम भट्टराईबारे लेखिएको “द भिजनरी रिबेल” पुस्तक लोकार्पण

काठमाडौं । पूर्वप्रधानमन्त्री डा.बाबुराम भट्टराईबारे लेखिएको “द भिजनरी रिबेल” पुस्तकको लोकार्पण भएको छ । शनिबार काठमाडौंमा आयोजित एक कार्यक्रममा उक्त पुस्तक विमोचन भएको हो ।

डाक्टर मुक्ति रिजालद्वारा लेखिएको उक्त पुस्तक नेपाली कांग्रेसका महामन्त्री विश्वप्रकाश शर्मा, एकीकृत समाजवादीका घनश्याम भुसाल, रास्वपाकी नेता तथा निवर्तमान शिक्षामन्त्री सुमना श्रेष्ठ लगायतले लोकार्पण गरेका हुन ।

कार्यक्रममा बोल्दै कांग्रेस महामन्त्री विश्वप्रकाश शर्माले प्रधानमन्त्री केपी शर्मा ओलीविरुद्ध आफूहरुले उठाएको मुद्दामा सहकार्य गरेपनि मौन नबस्ने बताए ।  उनले नयाँ सरकार बनेर नेपाललाई नविन सम्भावनातिर लैजान दुई ठूला दल मिलेको समेत बताए ।