जसपा नेपालको पुरानो कार्यकार्यकारिणी समितिको बैठक बस्दै

काठमाडौँ । जनता समाजवादी पार्टी नेपालका अध्यक्ष उपेन्द्र यादवले पुरानो कार्यकारिणी समितिको बैठक बोलाएका छन् । पदाधिकारी चयनलगायतका विषयमा परामर्शका लागि सो बैठक १ बजेको लागि बोलाइएको बताइएको छ ।

जनकपुरमा सम्पन्न महाधिवेशनले पदाधिकारीसहितको केन्द्रीय समिति बनाउने जिम्मेवारी अध्यक्ष यादवलाई दिएको छ । केन्द्रीय समिति बनाउनका लागि अध्यक्ष उपेन्द्र यादवले व्यक्तिगत परामर्श गरिसकेका छन् ।

आज सामूहिक रूपमा छलफलका लागि पुरानो केन्द्रीय कार्यकारिणी समितिको बैठक बोलाइएको जसपा नेपालका नेता विजय यादले बताए ।आजको बैठकमा छलफलपछि अध्यक्ष यादवले पदाधिकारीसहितको केन्द्रीय समिति सार्वजनिक गर्ने बताइएको छ ।