धनगढी। बैतडीमा ३ दिनदेखि बेपत्ता एक जना पुरूषको शव खोलामा भेटिएको छ ।
पाटन नगरपालिका-६ का ५१ वर्षीय वीरभानसिंह बिष्टको शव पाटन-पञ्चेश्वर-मेलौली सडकखण्ड अन्तर्गत मेलतडास्थित घाङल खोलामा भेटिएको जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) दिपक गिरीले बताए । उनी असार १ गतेदेखि बेपत्ता भएका थिए ।
डीएसपी गिरीका अनुसार बिष्टको शव खोलामा प्लाष्टिकले बेरेको अवस्थामा शव भेटिएको हो । बिष्टको हत्या गरी खोलामा फालिएको आशंका गरिएको छ ।बिष्टको हत्या आरोपमा पाटन नगरपालिका-६ कै भागरथी बिष्टलाई इलाका प्रहरी कार्यालय पाटनले पक्राउ गरेको छ ।
मृतकका परिवारले यसअघि नै बिष्टले बेपत्ता पारेको भन्दै इलाका प्रहरी कार्यालयमा उजुरी दिएका थिए ।
प्रतिक्रिया दिनुहोस
सफल खबर संवाददाता
सोमबार, ०३ असार २०८१, १५ : ३५
लेखकबाट थप
सम्बन्धित समाचारहरु
मंगलबारदेखि बैतडीको झुलाघाट नाका बन्द हुँदै
बैतडीमा जन्ती बोकेको जीप दुर्घटना
बैतडीमा जिप दुर्घटना, एकजनाको मृत्यु
भारतबाट आउनेका लागि बैतडीका ६ स्थानमा यात्रु सहायता कक्ष स्थापना
बैतडीमा स्वास्थ्य बीमामा सर्वसाधारणको पहुँच बढ्दै