मोरङको रोडशेष चोकमा हिमालयन बैंकको शाखा

काठमाडौं। हिमालयन बैंक लिमिटेडले विराटनगर शाखा- २ लाई विराटनगर महानगरपालिका वडा नम्बर १२ रोडशेष चोकमा स्थानान्तरण गरेको छ ।

सिभिल बैंकलाई प्राप्ति गरेपश्चात नजिक भएका शाखालाई स्थानान्तरण गर्ने योजनाअनुसार उक्त शाखालाई रोडशेष चोकमा स्थानान्तरण गरी सम्पूर्ण बैंकिङ्क सेवा सञ्चालनमा ल्याएको बैंकले जनाएको छ ।​

उद्योग वाणिज्य संगठन मोरङका अध्यक्ष राकेश सुराणा र बैंकका कोशी प्रदेश प्रमुख सन्तोष पराजुलीले बैंकका अन्य कर्मचारीहरूको उपस्थितिमा उक्त शाखाको उद्‌घाटन गरेका हुन् ।

हाल बैंकले नेपालभरि फैलिएका १७४ शाखा, २० विस्तारित काउन्टर, २६४ एटीएम, ६ हजार ५०० भन्दा बढी पीओएस टर्मिनल र १७ हजारभन्दा बढी विप्रेषण भुक्तानी केन्द्रहरूबाट सेवा प्रदान गर्दै आएको छ ।