काठमाडौँ । राष्ट्रिय स्वतन्त्र पार्टीका उपसभापति डा. स्वर्णिम वाग्लेले नीति तथा कार्यक्रमले बजेटसँग तादात्म्यता मिल्ने र कार्यान्वयनमा जाने गरी क्रमिक सुधारहरूका बीउहरू रोपेको बताएका छन् ।
सरकारको नीति तथा कार्यक्रम राष्ट्रपति रामचन्द्र पौडेलले प्रस्तुत गरेपछि प्रतिक्रिया दिँदै वाग्लेले विगतमा कार्यक्रममा ठुला कुरा गर्ने बजेटमा तादात्मयता नहुने र कार्यान्वयनमा जाँदै नजाने कर्मकाण्डमा सीमित हुने परम्परालाई यो नीति तथा कार्यक्रमले तोडेको बताए ।
‘सरकारले ल्याएको नीति तथा कार्यक्रम प्रस्थान गर्ने खालको आएको छ । विगतमा कार्यक्रममा ठुला कुरा गर्ने बजेटमा तादात्मयता नहुने र कार्यान्वयनमा जाँदै नजाने कर्मकाण्डमा सीमित थियो । यो वर्ष ठुला कुरा नगरौँ तर क्रमिक सुधारहरू (इन्क्रिमेन्टल रिर्फम) हरेक मन्त्रालयमा गरेर हेरौँ भन्ने बिउ सबै मन्त्रालयमा राखेको पाए । ‘दर्जनौँ क्रमिक सुधारहरूका बिउ यसपालि राखिएका छन्, ‘वाग्लेले भने, ‘त्यो भनेको बजेटसँग मिल्ने सम्भावना बढेको छ । बजेटमा सम्बोधन हुने देखिएकाले कार्यान्वयनमा जाने सम्भावना देखिएको छ ।’
प्रमुख प्रतिपक्ष काँग्रेसले नीति तथा कार्यक्रम पुरानै ढर्राको भएको भनी गरेको टिप्पणी सही नभएको पनि वाग्लेको भनाइ थियो । ‘विगत ३२ वर्षमा सबै भन्दा बढी शासन गरेको पार्टीले नीति तथा कार्यक्रम पुरानै शैली भन्नु भनेको आफ्नो कमजोरीको स्वीकारोक्ति हो । नीति तथा कार्यक्रमले अर्थतन्त्र सुधार गर्ने जग बसालेको छ । नीति तथा कार्यक्रममा टेकेर बजेट आउँदै छ,’ उनले भने ।
प्रतिक्रिया दिनुहोस
सफल खबर संवाददाता
मंगलबार, ०१ जेठ २०८१, २१ : ३५
लेखकबाट थप
सम्बन्धित समाचारहरु
उपसभापति र महामन्त्रीसँग किन छलफल गर्दैछन देउवा ?
काम गर्न नदिएपछि कानूनमै टेकेर सरकार अघि बढ्यो : डीपी अर्याल
सुशासन कायम गर्न गैरकानूनी कारोबारहरूलाई बन्द गर्नुपर्छ : धनराज गुरुङ
अनुशासन र विधिमा टेकेर पार्टी नेतृत्व छान्नुपर्छ : डा. स्वर्णिम वाग्ले
सबै प्रदेशका आफ्नै प्रहरी संगठन र कर्मचारी हुनुपर्छ : विमलेन्द्र निधि