पूर्वराजा शाह ललितपुर आउने

ललितपुर । पूर्वराजा ज्ञानेन्द्र शाह ललितपुर आउने भएका छन् । जिल्लावासीहरूको विशेष निमन्त्रणामा यही जेठ ७ गते सोमबार अपराह्न पूर्वराजा शाह ललितपुरमा आउने उनका संवाद सचिव डा. फणिराज पाठकले जानकारी दिएका हुन् ।

ललितपुरमा यति बेला प्रसिद्ध मच्छिन्द्रनाथको जात्रा चलिरहेको छ । शाहले यसअघि पनि विभिन्न जिल्लाहरूको भ्रमण गरिसकेका छन् । उनी विभिन्न सांस्कृतिक तथा धार्मिक कार्यक्रममा सहभागी हुँदै आएका छन् ।