मोरङको बुढीगंगामा बस पल्टिँदा १८ जना घाइते

विराटनगर । मोरङको बुढीगंगामा मंगलबार बस पल्टिएर दुर्घटना हुँदा १८ जना घाइते भएका छन् । सिराहादेखि विराटनगरतर्फ आइरहेको बस बुढीगंगा–३ बाँसबारी चोकमा पल्टिएर दुर्घटना भएको हो ।जिल्ला ट्राफिक कार्यालय मोरङका प्रमुख प्रहरी निरीक्षक सुमन न्यौपानेले दुर्घटनामा परी १८ जना घाइते भएको जानकारी दिए ।

सिराहाबाट यात्रु लिएर विराटनगर आउँदै गरेको बसको अगाडि अचानक मोटरसाइकल आएपछि बचाउन खोज्दा दुर्घटना भएको उनले बताए ।

घाइतेहरुको बुढीगंगास्थित विराट शिक्षण अस्पतालमा उपचार भइरहेको प्रहरीले जानकारी दिएको छ । घाइतेहरुको शरीरका विभिन्न भागमा चोट लागे पनि खतरामुक्त रहेको जनाइएको छ ।