भरतपुर महानगरपालिकाले सोध्यो ठुलो संख्यामा कर्मचारीलाई स्पष्टिकरण

चितवन । भरतपुर महानगरपालिकाले ठुलो संख्यामा कर्मचारीलाई स्पष्टिकरण सोधेको छ । अनुगमनको क्रममा समयमै कार्यालय नआएका ४० भन्दा बढी कर्मचारीलाई स्पष्टिकरण सोधेको हो ।

महानगरको प्रशासन शाखाले सबै कर्मचारीलाई माघ २८ गते कारण सहित स्पष्टिकरण दिन अनुरोध गरेको थियो । ‘हामीले अनुगमनको क्रममा कार्यालयमै नभएका कर्मचारीलाई स्पष्टिकरण सोधेका हौँ । अहिले नै कारबाही भन्दापनि सचेत गराउनका लागि स्पष्टिकरण सोधिएको हो’, महानगरपालिका स्रोतले भन्यो, ‘उहाँहरु धेरै त अफिसको कामले बाहिर जानु भएको छ । तर प्रकृया पुरा गरेर जानुहोस् भन्न मात्र खोजेका हौँ ।’

कार्यालयकै कामले अफिस बाहिर जाने कर्मचारीहरु पनि सम्बन्धित निकायलाई जानकारी नदिई जाने गरेको भेटिएको महानगरले बताएको छ । उनीहरुलाई सम्बन्धित निकायबाट स्वीकृत लिएर मात्र जान अनुरोध गरिएको स्रोतको भनाई छ ।

#भरतपुर महानगर