गैरकानुनी आप्रवासी घुसपैठ गराउने गिरोह सक्रिय

काठमाडौं । भारतको बाटो हुँदै बर्माका अल्पसंख्यक रोहिन्या र अन्य देशका गैरकानुनी आप्रवासी घुसपैठ गराउने गिरोह योजनाद्ध रुपमा सक्रिय हुँदै आएको समाचार आजको नागरिक दैनिकमा छापिएको छ । 
गिरोहले रोहिन्या र बंगलादेशीलाई आकर्षित गरी मोटो रकम लिएर नेपालमा घुसपैठ गराइरहेको समाचार आजको नागरिक दैनिकले पहिलो पृष्ठमा छापेको छ । 
गैरकानुनी आप्रवासीको योजनाबद्ध घुसपैठ शिर्षकमा छापिएको समाचारमा भनिएको छ, गिरोहका नाइकेको रुपमा नेपाली महिला विवाह गरेका अफगान नागरिक सक्रिय रहेको पइएको छ ।
यसरी अवैध रुपमा काठमाडौ आइपुगेका बंगलादेशी र रोहिन्या आप्रवासी बूढानिलकण्ठ नगरपालिका ११ को कपन क्षेत्रमा टहरा बनाएर बसोबास गर्दै आएका छन् । 
निरन्तर रुपमा गैरकानुनी आप्रवासी भित्र्याएपछि कपनका बासिन्दाले ती अफगानीलाई लखेटेका थिए । आप्रवासी र स्थानीयबीच झडपको स्थिति उत्पन्न भएको थियो । 
घटनाबारे सुरक्षा निकायमा खबर गर्दा बेवास्ता भएको समाचार नागरिक दैनिको समाचारमा छापिएको छ ।