ब्रासिलिया । चक्रवातपछिको वर्षा र हावाहुरीका कारण दक्षिणी ब्राजिलमा कम्तीमा २१ जनाको मृत्यु भएको छ । देशमा थप बाढी आउन सक्ने अनुमान गरिएको छ । रियो ग्रान्डे डो सूलका गभर्नरका अनुसार यो राज्यले भोगेको अहिलेसम्मकै मौसमसम्बन्धी भीषण प्रकोप हो ।
अधिकारीहरूले हजारौँले आफ्नो घर छाडेर हिँड्न बाध्य भएका छन् । करिब ५ हजार जनसङ्ख्या रहेको माकुमको ८५ प्रतिशत भूभाग डुबानमा परेको छ । सयौँलाई घरको छतछतबाट उद्धार गरिएको स्थानीय मिडियाले जनाएका छन् ।
राष्ट्रपति लुइज इनासियो लुला डा सिल्भाले केन्द्र सरकार सहयोगका लागि तयार रहेको जानकारी दिएका छन् । ‘जहाँ समस्या छ, त्यहाँ संघीय सरकार जनतालाई सहयोग गर्न तयार छ,’ उनले भने ।
राज्यमा पछिल्लो २४ घण्टामा ३ सय मिलिमिटरभन्दा बढी वर्ष भएको छ । जसले गर्दा विभिन्न स्थानमा बाढी र पहिरो गएको छ । माकुमका मेयर माटेयस ट्रोजानले धेरै सङ्ख्यामा मानिसहरू बेपत्ता रहेको जनाएका छन् । उनका अनुसार मृतकका सङ्ख्या अझै बढ्न सक्छ ।
प्रतिक्रिया दिनुहोस
सफल खबर संवाददाता
बुधबार, २० भदौ २०८०, १४ : ५१
लेखकबाट थप
सम्बन्धित समाचारहरु
ब्राजिलमा बाढीका कारण मर्नेको सङ्ख्या ५६ पुग्यो
मैत्रीपूर्ण खेलमा ब्राजिल र जर्मनी विजयी
विश्वकप छनोटमा अर्जेन्टिना र ब्राजिल पराजित
ब्राजिलमा विमान दुर्घटनाः १२ जनाको मृत्यु
ब्राजिलमा चक्रवातका कारण ४४ जनाको मृत्यु
प्रधानमन्त्री मोदीद्वारा ब्राजिलका राष्ट्रपति लुला डा सिल्भालाई जी–२० अध्यक्षको पद हस्तान्तरण