कुलमान र हितेन्द्रदेवको मुद्दामा आज तेस्रो दिनको सुनुवाइ हुँदै

काठमाडौँ । नेपाल विद्युत् प्राधिकरणको कार्यकारी निर्देशक नियुक्तिसम्बन्धी विवादमा निवर्तमान कार्यकारी निर्देशक कुलमान घिसिङ र नवनियुक्त कार्यकारी निर्देशक हितेन्द्रदेव शाक्यले दायर गरेको रिटमा आज तेस्रो दिनको सुनुवाइ हुँदैछ ।

नेपाल विद्युत् प्राधिकरणको कार्यकारी निर्देशक नियुक्तिसम्बन्धी विवादमा मंगलबारदेखि न्यायाधीशद्वय कुमार चुडाल र नित्यानन्द पाण्डेयको इजलासमा रिटमाथि सुनुवाइ भएको थियो । 

विशेष प्राथमिकता दिई सुरु भएको सुनुवाइमा यसअघि मंगलबार कुलमान र बुधबार हितेन्द्रका तर्फबाट कानुन व्यवसायीहरूले बहस गरेका थिए । यस्तै, बुधबार सरकारको तर्फबाट महान्यायाधिवक्ता रमेश बडालले बहस गरेका थिए।  

आज सरकारी वकिल र हितेन्द्रका कानुन व्यवसायीहरूले बहस गर्नेछन् ।