त्रुटिपूर्ण नयाँ भाष्यले मुलुक समस्याको दलदलमा भासियो : कमल थापा

काठमाडौँ । राप्रपा नेपालका अध्यक्ष कमल थापाले मुलुकमा जबरजस्त ढंगले त्रुटिपूर्ण नयाँ भाष्यले मुलुक समस्याको दलदलमा भासिएको उनले बताएका हुन् ।आइतबार काठमाडौँमा आयोजित प्रशिक्षण कार्यक्रममा बोल्दै थापाले भने।

देशले भोग्नु परेको सम्पूर्ण समस्याको मूल जड सनातन धर्म, संस्कृति, राजसंस्था र एकात्मक राज्यप्रणाली भएको, हिन्दुधर्म अन्ध विश्वास, रुढीवादी र विभेदमा आधारित छ, धर्म निरपेक्षता, गणतन्त्र र जातीय पहिचानमा आधारित संघीयता सम्पूर्ण रोग, भोक, अशिक्षा, गरिबी र पछ्यौटेपनको अचुक औषधि हो भन्ने भाष्य गलत हो ।  

थापाले मुलुकमा हाल विद्यमान संकट समाधान गर्न राप्रपा नेपाल सँग वैकल्पिक मार्ग चित्र रहेको समेत बताए । उनले सुशासनको माध्यमबाट आर्थिक विकास र समृद्धिको लक्ष्य हासिल गर्न सम्बर्द्धनवादको वैचारिक धरातलमा बलियो राष्ट्रवादी प्रजातान्त्रिक शक्ति निर्माण गर्नुपर्ने बताए ।

थापाले सुदृढ स्थानीय स्वायत्त शासन प्रणाली लागू गरी प्रदेश तहको संरचना खारेजी गर्नुपर्ने बताए । उनले आत्मसमर्पणवादी मानसिकताले गर्दा मुलुकको स्वाधीनतामाथि गम्भीर प्रश्न उठिरहेको बताए । बलियो राष्ट्रवादी प्रजातान्त्रिक शक्ति निर्माण गर्न छरिएर रहेका सबै शक्ति एकै ठाउँमा आउनुपर्ने उनले बताए ।