जनकपुरधाम । मधेश प्रदेशमा पनि डेंगु संक्रमणका बिरामी भेट्न थालेको छ । यस प्रदेशका २२ जनामा डेंगुको संक्रमण पुष्टि भएको हो । मधेश प्रदेश स्वास्थ्य निर्देशनालय सपही, धनुषाका प्रमुख डा. राजिव कुमार झाले साउन महिनामै डेंगुका २२ रोगी फेला परेको जानकारी दिए । उनका अनुसार साउन अगाडि यो प्रदेशमा डेंगुको संक्रमण पुष्टि भएको थिएन् ।’
उनका अनुसार पर्सा र सिरहामा डेंगुका बढी बिरामी भेटिएका छन् । अन्य जिल्लामा १÷२ जनामा मात्र संक्रमण देखिएको छ । सबैको अवस्था सामान्य छ । सबै विरामी घरमै स्वास्थ्यकर्मीको निगरानीमा उपचाररत छन् ।
डेंगु संक्रमित बिरामी भेटिएको क्षेत्रमा लार्भा नष्ट पार्ने अभियान सुरु भइसकेको डा. झाले दावी गरे । उनले भने, ‘जिल्ला स्वास्थ्य कार्यालयहरु र स्वास्थ्य संस्थाहरुमा लार्भा मार्ने औषधी पुगिसकेको छ । स्थानीय तहको समन्वयमा लार्भा रहेको सम्भावित ठाउँहरुमा औषधी छर्किने काम पनि भइरहेको छ ।’
एडिस जातिका (एजिप्टाइ र अल्बोपिक्टस) पोथी लामखुट्टेले टोकेपछि मानिस डेंगु संक्रमित हुन्छन् । डेंगुको संक्रमण एक मानिसबाट अर्को मानिसमा सर्छ अर्थात् यो सरुवा रोग हो । अहिले कोशी प्रदेशमा सबभन्दा बढी डेंगुका संक्रमित भेटिएका छन् । कोशीबाटै मधेशमा डेंगु छिरेको हुनसक्छ ।
डेंगु फैलाउने एडिस जातिका लामखुट्टे गमला, फुलदान, खाली बट्टा, अलकत्रा वा मट्टितेलका खाली ड्रमहरू, गाडीका काम नलाग्ने टायरहरूमा जमेको सफा पानीमा लार्भा छोड्छ । ति ठाउँहरुबाट लार्भा नष्ट गरिए मात्र डेंगुको संक्रमण रोक्न सकिने चिकित्सकहरु बताउँछन् ।
‘सार्वजनिक ठाउँमा जमेको पानीमा औषधि छर्किने काम भइरहेको छ’, डा. झाले भने, ‘लार्भा नष्ट पार्ने औषधी घरमा छर्किन पनि मिल्दैन । मानिसको स्वास्थ्यमा असर गर्छ । त्यसैले घरमा राखिने गमला, फुलदानी वा पानी जम्ने अन्य स्थानहरुमा आफैंले सतर्कता पूर्वक औषधी छर्किनुपर्छ ।’
प्रतिक्रिया दिनुहोस
सफल खबर संवाददाता
विहीबार, १८ साउन २०८०, १६ : २४
लेखकबाट थप
सम्बन्धित समाचारहरु
सर्लाहीका १९ अस्पताल बन्द गर्न मुख्यमन्त्री सिंहको निर्देशन
मधेश प्रदेश सभाको कार्यसूचीमा चढ्यो भाषा विधेयक फिर्ताको प्रस्ताव
संविधान संशोधनका नाममा संघीयता र मधेशको अधिकारको प्रश्न उठाउन पाइँदैन : मुख्यमन्त्री सिंह
मधेशका मुख्यमन्त्री सिंहसँग जनमतले सोध्यो स्पष्टीकरण
मधेश प्रदेश लोकसेवा आयोगका नवनियुक्त अध्यक्ष यादवले लिए शपथ
मधेशको बजेट छानबिन गर्न उच्चस्तरीय समिति बनाउने निर्णय