यु १५ महिला फुटबल च्याम्पियनसिप अन्तर्गत भारतगँग नेपाल १०-० गोलको पराकिलो अन्तरले पराजित भएको छ । नेपाल पराजित भए सँगै खेलबाट बाहिरिएको छ ।
मंगलबार भएको खेलमा नेपाल पराजित भएपछि फाइनल पुग्ने नेपालको सम्भावना समाप्त भएको हो । पहिलो खेलमा आइतबार नेपाल बंगलादेशसँग ६–० ले पराजित भएको थियो ।
भारत र बंगलादेश लिग राउन्डको एक खेलअघि नै फाइनल पुगेका छन् । आजै भएको अर्को खेलमा आयोजक बंगलादेशले भुटानलाई ३–० ले हराएको थियो । भुटान पहिलो खेलमा भारतसँग ३–० ले पराजित भएको थियो ।
समान २ खेल जितेका बंगलादेश र भारत फाइनल प्रवेश गर्दा दुवै खेल हारेका नेपाल र भुटान च्याम्पियनसिपबाट बाहिरिएका छन् ।
लिग राउन्डको अन्तिम दिन बिहीबार च्याम्पियनसिपबाट बाहिरिएका नेपाल र भुटानबीच प्रतिस्पर्धा हुने छ भने अर्को खेल भारत र बंगलादेशबीच हुनेछ ।
प्रतिक्रिया दिनुहोस