मुग्लिनमा आज गार्डेनमार्ट म्युजिकल इभिनिङ कार्यक्रम हुदै

चितवन । चितवनको इच्छाकामना गाउँपालिका ५ मुग्लिन बजारमा सञ्चालनमा आउन लागेको गार्डेनमार्ट डिपार्टमेन्टको प्रचारप्रसारका लागि ‘गार्डेनमार्ट म्युजिकल इभिनिङ कार्यक्रम’ आयोजना हुने भएको छ । शिवशिखर बहुउद्देश्यीय सहकारी संस्था लिमिटेडद्वारा संचालित गार्डेनमार्ट डिपार्टमेन्टको शुभारम्भको अवसरमा संस्थाले आज बिहिबार ‘गार्डेनमार्ट म्युजिकल इभिनिङ कार्यक्रम’को आयोजना गर्न लागेको हो।

कार्यक्रममा सांगेतिक प्रस्तुतिका लागि चर्चित गायक कमल खत्री, चर्चित गायीका रचना रिमाल, मेलिना मैनाली, अनित विष्ट, रुविशा श्रेष्ठ लगायतको कलाकार टोली आउने आयोजक शिवशिखर बहुउद्देश्यीय सहकारी संस्था लिमिटेडका मुग्लिन शाखा प्रबन्धक राजेवर गौतमले जानकारी दिएका छन्। संस्थाले सञ्चालनमा ल्याउन लागेको गार्डेनमार्ट डिपार्टमेन्टको यहि कार्तिक २६ गते समुद्घाटन हुनेछ । सोहि अवसरको जानकारी दिनका लागि पूर्वसन्ध्यामा सांगेतिक कार्यक्रम गर्न लागिएको शाखा प्रबन्धक गौतमले बताए।

खाद्यान्न, लत्ताकपडा, इलेक्ट्रोनिक्स लगायत सबै सामाग्री एकै ठाउँमा पाईने गरी संस्थाले डिपार्टमेन्ट सञ्चालनमा ल्याउन लागेको हो भने शुभारम्भको अवसरमा सामान खरिदमा २ देखि ३५ प्रतिशतसम्म छुट दिइएको छ।