पश्चिम चितवनका आमा समुहको समर्थन डा भोजराजलाई

चितवन । प्रतिनिधिसभा चितवन ३ का उमेदवार डा भोजराज अधिकारीलाई जिताउन पश्चिम चितवनका महिला एवं आमा समुह एकिकृत भएका छन् । भरतपुर २१ पार्वतीपुरमा भएको एक निर्वाचन केन्द्रीकृत कार्यक्रममा सहभागी आमाहरूले चितवनको विकास र समृद्धिका लागि गठबन्धनका उमेदवारलाई विजयी गराउने प्रतिबद्धता व्यक्त गरेका हुन् ।

उनीहरूले पार्वतीपुरको विकासका लागि सहयोग गर्न आग्रह गरेका छन् ।यहाँको महिलाद्वारा सञ्चालित संघ संस्थालाई डा। भोजराज नेतृत्वले साथ र सहयोग गर्ने उनीहरूको अपेक्षा छ । प्रतिनिधिसभा सदस्य उमेदवार वरिष्ठ चिकित्सक डा। भोजराज अधिकारीले आफुले जनतासँग राखेका एजेन्डा पुरा गर्ने प्रतिबद्धता व्यक्त गरेका छन् । आफु मत माग्न नभई अन्तरसंवादका लागि यहाँ आएको बताए । यसअघिका भ्रमलाई हटाएर आफुलाई निर्वाचित गराउने उनको विश्वास छ ।

कार्यक्रममा माओवादी केन्द्रका प्रतिनिधिसभा समानुपातिक उमेदवार विजय घले, एकिकृत समाजवादी भरतपुर महानगर अध्यक्ष विष्णुराज महत्तो, माओवादी नेता नारायण आर्चाय लगायत लालिगुराँस टोल, सरस्वती आमा समुहका महिलाहरूको उल्लेख्य उपस्थिति रहेको थियो ।