काठमाडौं । आगामी शुक्रबारबाट प्रदर्शनमा आउँने फिल्म ‘बेबी आइ लभ यू’को रोमान्टिक गीत सार्वजनिक गरिएको छ । ‘कहानी तेरो र मेरो’ बोलको गीतमा नायक सन्तोष खड्गी र सुज्यम नेपालीको स्वर छ । शब्द तथा संगीत पनि सन्तोषकै हो ।
सरोज अधिकारीको कोरियोग्राफी रहेको भिडियोमा सन्तोष र नायिका पूजा तिवारीको अभिनय समेटिएको छ । सन्तोषको कथा रहेको बेबीआइ लभ यू लाई जनक पाण्डेले निर्देशन गरेका हुन् । फिल्ममा पटकथा तथा संवाद पनि उनकै छ ।
शिव न्यौपानेले निर्माण गरेको फिल्ममा सन्तोष र पूजासँगै सरोज खनालको समेत मुख्य अभिनय रहेको छ ।
प्रतिक्रिया दिनुहोस