काठमाडौं । चर्चित गायक शिव परियार काठमाडौंको बसुन्धारामा आइतबार बिहान मोटरसाइकल दुघर्टनामा घाइते भएका छन् । उनले चलाएको बा ८० प ९९९८ नम्बर मोटरसाइकललाई पछाडिबाट आएको बा ७८ प ८५११ नम्बरको मोटरसाइकले ठक्कर दिएपछि दुर्घटना भएको हो ।
बसुन्धारा स्थित ग्रांडी अस्पतालमा उपचार गराइरहेका परियारको दाहिने खुट्टामा चोट लागेको छ । गायक परियारले चलाएको मोटरसाइलको पछाडि सवार अर्का गायक कर्णराज गिरी सामान्य घाइते भएका छन् । उनी उपचारपछि घर फर्किएको बताइएको छ । गायक परियारको स्वास्थ्य स्थिति खतरामुक्त रहेको अस्पतालले जनाएको छ ।
प्रतिक्रिया दिनुहोस