कोरोना अपडेट : थप १२ जनामा संक्रमण पुष्टि, १३ जना संक्रमणमुक्त

काठमाडौं । नेपालमा थप १२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ३५६ जनाको आरटी पीसीआर र एन्टिजेन विधिबाट परीक्षण गर्दा थप १२ जनामा कोरोना संक्रमण देखिएको हो ।

२ हजार ३६६ जनाको पीसीआर परीक्षण गर्दा ९ जना र ९ सय ९० जनाको एन्टिजेन विधिबाट परीक्षण गर्दा ३ जनामा संक्रमण पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको कुल संख्या ११ लाख १९ हजार ३६१ पुगेका छन् ।

त्यस्तै पछिल्लो २४ घण्टामा १३ संक्रमित निको भएका छन् । योसँगै नेपालमा कोरोनामुक्त हुनेहरुको संख्या ९ लाख ६७ हजार ६५ पुगेका छन् । हाल नेपालमा १ सय १० जना कोरोनाका सक्रिय संक्रमितहरु विभिन्न आइसोलेशनमा उपचाररत छन् ।