कांग्रेसको चितवन सभापतिको लागि दोस्रो चरणको मतदान आज हुँदै, प्रतिष्पर्धामा राजेश्वर खनाल र मिलनबाबु श्रेष्ठ

चितवन । काँग्रेस चितवनको सभापतिका कुनै पनि प्रत्यासीले पहिलो चरणमा  ५१ प्रतिशत मत ल्याउन नसकेपछि आज दोश्रो चरणको मतदान हुने भएको छ । 

नारायणी कला मन्दिरमा शुक्रबार भएको पहिलो चरणको मतदानमा सर्वाधिक मत प्राप्त गरेका राजेश्वर खनाल र मिलनबाबु श्रेष्ठबीच दोस्रो चरणको निर्वाचनमा प्रतिस्पर्धा हुने भएको छ ।

दोस्रो चरणको मतदान आज शनिबार दिउँसो साढे १२ बजेदेखि सुरु हुने निर्वाचन समितिले जनाएको छ । पहिलो चरणमा राजेश्वर खनालले सर्वाधिक ७४६ मत प्राप्त गरेका छन् । यस्तै मिलनबाबु श्रेष्ठले दोस्रो धेरै ६६२ मत ल्याएका छन् ।

सभापतिका अन्य दाबेदार उत्तम जोशीले ४७३ मत, कैलाश कोइरालाले ४१२ मत र डा. सूर्यकान्त घिमिरेले ४२६ मत प्राप्त गरेका छन् । १०१ मत बदर भएको छ । कुल मतदाता २ हजार ९ सय ४५ रहेपनि गए मतदानमा २ हजार ८ सय २० मत खसेको थियो ।