सन्तोष लामाको नयाँ गीत ‘क्योनज्योसमको कसम...’ सार्वजनिक

काठमाडौं । नेपाली तारा सिजन–२ का विजेता गायक सन्तोष लामाले नयाँ गीत सार्वजनिक गरेका छन् । लामाले सेलो पप ‘क्योनज्योसमको कसम...’  बोलको सेलो युटयुब च्यानलमार्फत सार्वजनिक गरेका हुन् । गीतमा शब्द, संगीत र स्वर गायक स्वयम्कै छ । सुमन स्याङदेन लामाले निर्देशन गरेको गीतको भिडियोमा छुल्ठिम गुरुङ, कुमार मोक्तान, विशाल लामा अनिता गोले फिचर्ड छन् ।

सन्तोष लामा नेपालका एक प्रतिभाशाली गायक हुन्। उनी नेपाली टेलिभिजन टेलिभिजन कार्यक्रम नेपाली तारा को दोस्रो संस्कणको विजेता समेत हुन्। धेरै नेपाली चलचित्रमा पनि गीत गाएका उनले ३ वटा आफ्नै गीति संग्रह बजारमा रिलिज गरिसकेका छन। उनको जन्म धादिङको नौबिसेमा भएको थियो। नौबिसेमा नै आफ्नो माध्यमिक शिक्षा सकाएका उनले काठमाडौं को रत्न राज्य लक्ष्मी कलेजबाट स्नातक शिक्षा अध्ययन गरेका थिए ।