एमसीसीबारे सहमति जुटाउन सत्ता गठबन्धनको बैठक आजपनि बस्दै

काठमाडौं । एमसीसीबारे सहमति जुटाउन सत्ता गठबन्धनको बैठक आइतबार पनि बस्दैछ। यसअघि बुक्रबार बसेको गठबन्धनको बैठकनिष्कर्षविहीन हुँदै आइतबार फेरि बस्ने तय भएको थियो । 

एमसीसीको विषयमा सत्ता गठबन्धनमा फरक फरक धारणा रहेपछि सहमति जुट्न नसकेको हो । बिहान १० बजेका लागि बोलाइएको बैठकमा एमसीसीलाई  प्रतिनिधि सभामा टेबल गर्ने विषयमा सहमति जुटाउने प्रयास हुनेछ ।

प्रधानमन्त्री तथा नेपाली काँग्रेसका सभापति शेरबहादुर देउवा आज बस्ने प्रतिनिधि सभा बैठकमा एमसीसी टेबल गर्ने पक्षमा छन् । तर, माओवादी केन्द्र यसमा सहमत छैन भने एकीकृत समाजवादी पार्टीपनि स्पष्ट भइसकेको छैन । यस्तै राष्ट्रि जनमोर्चा पहिलेदेखि नै एमसीसीको विपक्षमा हुँदा जसपामा पनि यसबारे दुई धार छ ।