चितवनमा मेला महोत्सव र भिडभाडमा चोरी गर्ने सात भारतीय महिला पक्राउ

चितवन । मेला महोत्सव तथा भीडभाडको फाइदा उठाउँदै चोरीमा संलग्न भारतीय महिलाहरुलाई चितवन प्रहरीले पक्राउ गरेको छ । मकर सक्रान्तिको अवसरमा देवघाटमा लाग्ने मेला तथा अन्य महोत्सवमा सर्वसाधारणले साथमा बोकेको नगद र लगाएका गरगहना चोरी गरेको आरोपमा चितवन प्रहरीले उनीहरुलाई पक्राउ गरेको हो ।

पक्राउ पर्नेमा भारत गोरखपुर स्थायी ठेगाना भएकी वर्ष २५ की प्रियाङका देवी, सोही ठाउँकी बर्ष २० की अतिम्मा देवी, वर्ष २५ की पायल देबी, वर्ष १८ की नितु देवी, वर्ष ३५ की शिला देवी, वर्ष ४० की मञ्जु देवी, वर्ष १८ की आरोही भारती रहेका छन् । उनीहरु सबै भारतीय महिला हुन् ।उनीहरुबाट प्रहरीले सुनको औठी २ थान र नगद रु ६ हजार र एटीएम कार्ड बरामद गरेको छ । पक्राउ पर्नेहरुलाई सम्मानित अदालतबाट म्याद अनुमती लिई थप अनुसन्धान भइरहेको चितवन प्रहरीले जनाएको छ ।