अफगानिस्तानको पानशिर उपत्यकामा तालिबान र विपक्षी फौजबीच भिडन्त

अफगानिस्तान । अफगानिस्तानको पानशिर उपत्यकामा तालिबान र विपक्षी फौजबीच भिडन्त भएको छ ।

पानशिर उपत्यकाको सुरक्षाका लागि खटिएका समूह तथा तालिबान लडाकुबीच केही दिनदेखि भीषण युद्ध भइरहेको बीबीसीले जनाएको छ ।

तालिबान नेताहरुले त्यहाँ पनि आफ्नो फौज विजयउन्मुख रहेको जनाएका छन् । तर नेशनल रेसिस्टेन्स फ्रन्ट (एनआरएफ) का लडाकुहरुले तालिबान विजयउन्मुख भएको भन्ने सूचना झुटा भएको बताएका छन् ।

एनआरएफका नेता अमरुल्लाह सालेहले आफू भागेको भनेर गरिएको दाबी झुट रहेको उल्लेख गरेका छन् । जारी भिडन्तमा पानशिरमा सयौँ मानिस मारिएको आशंका गरिएको छ । यद्यपि यसबारे आधिकारिक विवरणहरु सार्वजनिक भएका छैनन् ।