काठमाडौं । भारतमा एक यात्रुबाहक रेलबाट डिब्बा छुट्टिएर १५ किलोमिटर पछाडि दौडिएको बताइएको छ । उडिसा राज्यमा गुडिरहेको अहमदाबाद–पुरी एक्सप्रेसका २२ वटा डिब्बाहरु इन्जिनबाट छुट्टिएर १५ किलोमिटर पछाडि दौडिएका थिए ।
छुट्टिएका डिब्बामा करिब एक हजार यात्रु सवार थिए । उनीहरु भने सुरक्षित रहेको भारतीय सञ्चारमाध्यामहरुले जनाएका छन् ।
शनिबार राती करिब १० बजे छुट्टिएका ती डिब्बा करिब २ घण्टापछि रोकिएका थिए । डिब्बा रोक्न रेलवेका कर्मचारीहरुले रेलमार्गमा ढुंगा थुपार्नु परेको सञ्चामाध्यामहरुले जनाएका छन् ।
प्रतिक्रिया दिनुहोस