कोरोना अपडेट : थपिए १ सय ७९ जना कोरोना संक्रमित, १ सय ११ जना संक्रमणमुक्त

काठमाडौँ । नेपालमा पछिल्लो २४ घण्टामा थप १ सय ७९ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या २ लाख ७७ हजार ६ सय ४० पुगेको छ । स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या १ हजार ६ सय ४७ रहेको छ ।

पछिल्लो २४ घण्टामा थप १ सय ११ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ७२ हजार ९ सय ६२ पुगेको छ । 

यस्तै शुक्रबार कुनै पनि कोरोना संक्रमितको निधन नभएको  मन्त्रालयले जनाएको छ । हालसम्म नेपालमा कोरोनाले ज्यान गुमाउनेको संख्या ३ हजार ३१ रहेको छ ।