बालुवाटार जान हिँडेका नेपाल–खनाल समूहका सांसद फर्किए

काठमाडौं । बालुवाटारमा ओलीले बोलाएको संसदीय दलको बैठकमा हिडेका नेकपा एमालेको माधव–झलनाथ पक्षका सांसदहरु  फर्किएका छन् । नेकपा एमालेका नेताद्वय माधवकुमार नेपाल र झलनाथ खनाल समूहका केही सांसद प्रधानमन्त्री तथा संसदीय दलका नेता केपी शर्मा ओलीले बोलाएको बैठकमा सहभागिताका लागि हिँडेको भए पनि सिंहदरबारबाटै फर्किएका हुन् ।

ललितपुरको हेरिटेज पार्टी प्यालेसबाट स्थायी कमिटीका सदस्यबाहेकका सांसदहरु बालुवाटार जाने भनी हिँडेको भए पनि सिंहदरबारबाट फर्किएको सांसद गणेश पहाडीले जानकारी दिए ।

उनका अनुसार अब नेपाल समूहका कोही पनि सांसद बालुवाटारको बैठकमा सहभागी हुने छैनन् ।