उन्नति साँस्कृतिक गाउँको उद्घाटन

गैँडाकोट । गैँडाकोट नगरपालिका १२ मा रहेको उन्नति साँस्कृतिक गाउँको शुक्रबार एक समारोहबीच उद्घाटन गरिएको छ ।

गैँडाकोटका मेयर छत्रराज पौडेल, वरिष्ठ कलाकार श्यामलाल श्रेष्ठ र चौधरी ग्रुपका उपाध्यक्ष निर्वाण चौधरीले संयुक्तरुपमा उन्नतिको उद्घाटन गरेका हुन् ।

उद्घाटन समारोहमा बोल्दै चौधरी ग्रुपका अध्यक्ष विनोदकुमार  चौधरीले स्रष्टा भोकले नमरुन् भन्ने भावनाले साँस्कृतिक गाउँको स्थापना गरिएको बताए । उनले भने, ‘स्रष्टाहरुले आफ्नो काम छाडेर अरु पेशा गर्न नपरोस् भन्ने मेरो चाहना हो ।

चौधरी फाउण्डेसनकी निर्देशक सुरभी चौधरी र उन्नतिका कार्यकारी प्रमुख नारायण श्रेष्ठले उन्नति साँस्कृति गाउँको उद्देश्य र लक्ष्यबारे बोलेका थिए ।

कार्यक्रममा कवि गोविन्दराज विनोदीले कवितावाचन र कलाकार कविराज लामाले शुभकामना मन्तव्य व्यक्त गरेका थिए ।